Sfida mes Tiranës dhe Elbasanit e zhvilluar në stadiumin “Selman Stërmasi” ka kaluar me tensione të larta, duke u mbyllur me fitoren minimale të miqve 0-1.
Situata u përshkallëzua jashtë rrethimit të stadiumit. Tifozëritë respektive tentuan një përplasje fizike pas daljes nga impianti, por ndërhyrja e menjëhershme e forcave të policisë parandaloi incidentet e rënda.
Si pasojë e këtyre tensioneve, disa tifozë janë shoqëruar në komisariat për tentativë dhune, duke e lënë shijen e kësaj fitoreje të rëndësishme të Elbasanit nën hijen e incidenteve.
Tensioni nuk mungoi pas vërshëllimës përfundimtare të gjyqtarit Andi Koçi. Protagonistë u bënë dy lojtarë, Rijad Kobiljar i Tiranës dhe Blejs Tsage nga Elbasani.
