Goli i shënuar nga Vedat Muriqi në La Liga

Vedat Muriqi vazhdon të shkëlqejë në elitën e futbollit spanjoll, duke u konfirmuar si lideri i padiskutueshëm i Mallorcas.

Sulmuesi i përfaqësueses së Kosovës ka gjetur rrugën e rrjetës në sfidën delikate përballë Osasunës, e vlefshme për javën e 27-të të La Liga.

Muriqi zhbllokoi rezultatin në minutën e 35-të, duke i dhënë avantazhin e përkohshëm Mallorcas. Sulmuesi përfitoi nga një gafë e portierit, i cili tentoi të largojë topin me kokë, por e dërgoi të kundërshtari.

Me këtë gol, “Pirati” ngjitet në kuotën e 18 golave në këtë sezon, duke u pozicionuar si një nga pretendentët kryesorë për “Këpucën e Artë” në Spanjë. Aktualisht, Muriqi ndodhet vetëm 5 gola pas yllit të Real Madrid, Kylian Mbappe, i cili kryeson listën e golashënuesve me 23 realizime.