Oltion Kërnaja mund të konsiderohet i larguar nga Partizani. Mësohet se drejtuesit kanë mbetur të zhgënjyer nga rezultatet e fundit dhe kanë vendosur të bëjnë ndryshime.
Rezultatet në javët e fundit dhe humbja ndaj Vllaznisë, kanë mbushur kupën në kampin e kuq. Në orët e ardhshme, pritet që Kërnajës t’i komunikohet largimi.
Te Partizani kanë nisur menjëherë nga puna, për të gjetur një trajner të ri. Nuk është e sigurt, nëse Kërnaja do të shkarkohet, apo do të rikthehet te Partizani B, ku ka drejtuar më parë.
E sigurt mund të quhet se aventura e tij në stolin e ekipit të parë të Partizanit, është mbyllur pas humbjes me Vllazninë.
