Elseid Hysaj, foli për Klan Kuqezi në Tv Klan, pas fitores minimale ndaj Serbisë.
Mbrojtësi theksoi se priti 11 vite për të marrë këtë fitore. Hysaj nuk i kurseu thumbimet edhe për rivalët.
“Të them të drejtën, në 15 minutat e fundit po e shikoja edhe unë kronometrin. Po prisja kur të iknin. Te rast i Bajramit isha duke festuar. Prita 11 vite për të fituar. Jemi live?! E dinë vetë ata.
Këtë herë ia thashë edhe trajnerit, që kemi dy ndeshje shumë të vështira në nëntor. E korrigjuam atë barazimin me Letoninë. Ia vlen ta festojmë këtë fitore. Po krijohet një grup i ri dhe i mirë në Kombëtare. Broja ka kualitete të mëdha. Duhet ta kuptojmë ne. Herët ose vonë do shpërthejë. Me Brojën e di që duhet të mbroj më shumë unë”, u shpreh Hysaj.
