Në Kosovë vazhdojnë investimet e mëdha në futboll. Kryeministri Albin Kurti, ka njoftuar se në Suharekë do të ndërtohet një stadium i ri.
Kapaciteti do të jetë 6 mijë e 500 ulëse, ndërsa do të investohen 11 milionë euro.
“11 milionë euro për ndërtimin e Stadiumit të ri të Suharekës. KF “Ballkani”, që na ka përfaqësuar denjësisht e me sukses në arenën ndërkombëtare, do të ketë stadiumin që e meriton, kurse tifozët nga gjithë rajoni do t’i kenë mbi 6500 ulëse nga ku do ta mbështesin ekipin e zemrës e të shijojnë lojën e futbollit. Ndërkohë që punimet në stadiumin e ri po vazhdojnë, fusha ndihmëse e stadiumit tashmë është gati. Modernizimi i infrastrukturës së sportit është prioritet i qeverisjes sonë që vazhdon”, shkruan Kurti.
