Partizani barazoi 2-2 ndaj Vorës, në një ndeshje ku ishte shumë afër humbjes. Dueli i javës së 28-të në Superiore, kishte gjithçka brenda, përveç fituesit.
Ndeshja nisi e qetë, ndërsa fundi i pjesës së parë ishte spektakolar. Vora shënoi dy herë, me Luis Felipe në minutën e 42-të dhe me Ohaegbulam në minutën e 47-të.
Partizani reagoi para pushimit dhe ngushtoi diferencat me Doumbia. Pjesa e dytë ishte shumë e luftuar, por përsëri spektakli ishte në fund.
Në minutën e 91-të, Doumbia u ndëshkua me karton të kuq si lojtari i fundit. Megjithatë, edhe pse në inferioritet numerik, Partizani ia doli të barazojë. Një autogol i Ohaegbulam i hoqi fitoren Vorës dhe i dha një pikë Partizanit.
Me këtë barazim, të kuqtë mbajnë vendin e katërt me 43 pikë, ndërsa Vora renditet në vendin e tetë me 27 pikë.
