Janë përcaktuar dy skuadrat e kualifikuara në “play off”-in e Kategorisë së Parë.
Pogradeci dhe Besa do të përballen mes tyre, pas fitoreve respektive. Liqenorët mposhtën 3-0 Kastriotin në shtëpi.
Pogradeci iu fal një goli të shënuar nga Bedri Greca në minutën e 15-të dhe dopietës së Pius në fund të takimit. Në krahun tjetër, Besa triumfoi 0-2 ndaj Ilirisë në transfertë.
Cordeiro zhbllokoi takimin në minutën e 8-të, ndërsa 3 minuta më vonë Chinwendu dyfishoi shifrat, me rezultatin që nuk ndryshoi deri në fund.
Pogradeci dhe Besa do të përballen mes tyre në finale më 11 maj, në orën 17:00.
Skuadra që fiton në këtë përballje, do të përballet me ekipin e vendit të tetë në Superiore, ku do të vendoset edhe ekipi që do të luajë në elitë për sezonin e ardhshëm.
