Egnatia ka marrë menjëherë kryesimin në Superiore që në javën e dytë. Kampionët në fuqi, triumfuan 3-1 me përmbysje ndaj Vorës në transfertë.
Pas pjesës së parë të mbyllur pa gola, e dyta ishte spektakolare. Vendasit kaluan të parët në avantazh, falë golit të shënuar nga Karrica në minutën e 65-të.
Baraspesha erdhi shumë shpejt, pasi vetëm 4 minuta më vonë, Adjesa shënoi pas një asisti të marrë nga Albanese.
KLIKO KETU: RENDITJA E KATEGORISË SUPERIORE
Vorës iu anulua një gol në minutën e 72-të, ndërsa Egnatia përmbysi rezultatin në minutën e 75-të me Albanesen.
Në fund, sfidën e vulosi Yago me golin e tretë. Me këtë sukses, Egnatia mban vendin e parë me 6 pikë, Vora renditet në vendin e katërt me 3 pikë.
