Lushnja ishte një nga skuadrat që e nisi me pritshmëri të mëdha sezonin e ri në Kategorinë e Parë, por katër javët e para kanë qenë zhgënjyese.
LEXO EDHE: E BUJSHME/ Rey Manaj blen klubin shqiptar? Zbulohet kërkesa
Lagunarët numërojnë vetëm barazime në javët e para, ku janë përballur me Pogradecin, Skënderbeun, Kukësin dhe Luftëtarin.
LEXO EDHE: “Varroset” futbolli! Bashkia shemb stadiumin, nuk mjaftoi shkrirja e ekipit
Rezultatet janë larg pritshmërive dhe për këtë arsye trajneri Erion Xhafa ka marrë përgjegjësitë. Mësohet se ai ka paraqitur dorëheqjen nga drejtimi i ekipit.
Tani situata është në dorën e drejtuesve, të cilët do të vendosin nëse pranojnë dorëheqjen e trajnerit apo jo.
Orët e ardhshme pritet të jenë vendimtare për stolin e Lushnjës, që ndeshjen e radhës e ka ndaj Besës.
