Kristjan Asllani pritet të largohet nga Interi, pasi klubi ka shprehur gatishmërinë për ta shitur.
Mesfushori shqiptar po kërkon një destinacion që përputhet me ambiciet e tij dhe nuk është i gatshëm të pranojë çdo ofertë.
Fillimisht ka refuzuar një kalim te Betisi në Spanjë, pavarësisht interesit të madh nga klubi iberik. Së fundmi, Asllani ka hedhur poshtë edhe mundësinë për të kaluar te Sassuolo në Serinë A.
Skuadra e sapongjitur në elitë, nën drejtimin e Fabio Grosos, ka kërkuar informacion për lojtarin. Megjithatë, mesfushori nuk e sheh këtë si një hap të përshtatshëm në karrierën e tij.
Për këtë arsye, nuk janë zhvilluar as bisedime mes palëve. Ai vijon të presë oferta që përmbushin pritshmëritë e tij profesionale.
