Vllaznia është shumë pranë transferimit të Lirim Kastratit, sulmuesin anësor që aktualisht është pa klub, sipas gazetarit Lorik Gashi. 25-vjeçari ka një CV të pasur, me eksperienca në kampionate të njohura si Kroacia, Polonia dhe Hungaria. Ka luajtur me ekipe si Dinamo Zagreb, Legia Varshavë dhe Ujpest, ndërsa është aktivizuar edhe me Kombëtaren A të Kosovës.
Kastrati luan kryesisht si anësor i djathtë, por mund të përshtatet edhe në të majtë. Sipas “Transfermarkt”, ai vlerësohet aktualisht me rreth 200 mijë euro. Vllaznia synon të përfitojë nga statusi i tij si lojtar i lirë, për të forcuar krahët e sulmit para nisjes së sezonit të ri.
