Skënderbeu ka zhytur në krizë Partizanin. Korçarët triumfuan 0-2, në duelin e javës së tetë në Abissnet Superiore.
Pas pjesës së parë të mbyllur me rrjeta te paprekura, e dyta foli për juglindorët. Totre zhbllokoi takimin në minutën e 56-të, me një penallti të fituar nga ai vetë.
Në minutën e 88-të, Dejvid Janaqi vulosi takimin me golin e dytë të shënuar nga një distancë e largët.
Ky është suksesi i dytë radhazi për Skënderbeun, që ngjitet në vendin e gjashtë me nëntë pikë të grumbulluara.
SHIKONI KLASIFIKIMIN: RENDITJA E KATEGORISË SUPERIORE
Në krahun tjetër, thellohet kriza te Partizani, që mban vendin e fundit me vetëm katër pikë dhe pesë humbje radhazi.
