Mesfushori Kamer Qaka ka mbyllur zyrtarisht aventurën e tij me skuadrën e Partizanit.
Lajmi është bërë i ditur nga vetë futbollisti nëpërmjet një reagimi në llogarinë e tij në rrjetet sociale. Përmes këtij mesazhi, mesfushori zbuloi se ndërprerja e parakohshme e bashkëpunimit me klubin kryeqytetas ka ardhur me vendim të dy anshëm.
Ai specifikoi se shkak kryesor për këtë zgjidhje kontrate me mirëkuptim kanë qenë arsyet financiare.
“Klubi dhe unë kemi vendosur bashkë që të ndërpresim kontratën për shkak financiar. Faleminderit shokëve të skuadrës, trajnerëve, stafit dhe të gjithë tifozët për mbështetjen e tyre. I uroj klubit të gjithë të mirat në të ardhmen”, shkruan Qaka.
