Tirana po vijon lëvizjet në merkaton e futbollistëve nën drejtimin e drejtorit sportiv, Omer Bunjaku.
Së fundmi, skuadra bardheblu ka arritur marrëveshjen me mbrojtësin kosovar, Diar Halili. 22-vjeçari do t’i bashkohet zyrtarisht klubit kryeqytetas pas akordit të arritur mes palëve.
Halili transferohet te Tirana nga skuadra e Prishtinës, ku u aktivizua së fundmi. Gjatë karrierës së tij, mbrojtësi ka mbajtur veshur edhe fanellat e ekipeve KF Vjosa dhe KF Besa.
Gjithashtu, lojtari ka një përvojë të mëparshme jashtë vendit me ekipin Porto U19.
Ky afrim shënon një tjetër përforcim për repartin defensiv të Tiranës për sezonin aktual.
