Mesfushori Ardit Krymi është pranë mbylljes së një cikli të gjatë me skuadrën e Vllaznisë, ku numëron gjithsej 359 paraqitje zyrtare.
Sipas raportimeve të fundit, futbollisti shkodran është në bisedime të avancuara për t’u transferuar te skuadra e Tiranës.
Palët janë duke diskutuar detajet e fundit të marrëveshjes përpara zyrtarizimit të kalimit të tij te kryeqytetasit. Ndonëse kontrata e tij aktuale me Vllazninë ishte e vlefshme deri në vitin 2027, disa probleme të shfaqura në përfundim të sezonit e kanë shtyrë lojtarin të kërkojë një eksperiencë të re.
Ky kalim shënon herën e parë që mesfushori do të veshë fanellën e një tjetër klubi në Shqipëri, duke u shndërruar në një përforcim të rëndësishëm për merkaton e Tiranës.
