Kombëtarja shqiptare ka fituar minimalisht në miqësoren ndaj Gjibraltarit, sfidë që ishte e para në histori mes dy kombëtareve.
Kuqezinjtë e drejtuar nga Silvinjo iu falën golit të shënuar nga Jasir Asani në minutën e 69-të me penallti. Sulmuesi u tregua i saktë nga pika e 11 metërshit, pas një prekje me dorë, në aksionin e Cristian Shpendit.
Pjesa e parë u mbyll me rrjeta të paprekura dhe pak raste për shënim. Për tu përmendur ishin vetëm dy tentativat e Medon Berishës, që u ndalën nga portieri dhe transversa.
Fraksioni i dytë ishte disi më ndryshe, me raste për shënim nga Cristian Shpendi dhe Arber Hoxha.
Ndeshja e radhës për Shqipërinë do të jetë ndaj Letonisë në Tiranë më 9 shtator, e vlefshme për kualifikueset e Botërorit.
FT GJIBRALTAR-SHQIPËRI 0-1
KOMENTI LIVE
88’- Rrezikon sërish Cristian Shpendi. Kontrollon portieri i Gjibraltarit dhe ndal topi që po shkonte në rrjetë.
69’- Gooool Shqipëria 0-1! Zhbllokohet sfida nga Jasir Asani. Sulmuesi tregohet i saktë nga penalltia dhe zhbllokon takimin. Portieri kuptoi krahun, por nuk e ndali dot topin.
VIDEO/ Shikoni golin e Shqipërisë
58’- Mundësi e artë shënimi për Shpendin. Sulmuesi merr një top të shkëlqyer në zonë, por gjuajtja e tij shkon mbi portë.
46’- Cristian Shpendi, Arbër Hoxha dhe Ivan Balliu futen në fushë.
45′- Starton pjesa e dytë.
Mbyllet pjesa e parë.
44’- Tranversa i mohon golin Medon Berishës. Gjuajtja e mesfushorit devijohet dhe përplaset në tranversë.
34’- Goditje dënimi për Shqipërinë. Kroson Bajrami, por largon mbrojtja vendase. Medon Berisha lëshon një gjuajtje të fortë nga jashtë zone, e cila devijohet në këndore nga portieri.
17’- Provon Jasir Asani nga goditja e dënimit, por topi shkon jashtë.
16’- Goditje dënimi për Shqipërinë në afërsi të zonës. Valarino ndëshkohet me karton të verdhë.
6’- Scanlon lëshon një top të gjatë për De Barr. Dajsinani i vëmendshëm, del dhe kontrollon topin.
3’- Siç edhe pritej Shqipëria ka marrë kontrollin e lojës. Ende mungojnë rastet e pastra në të dyja portat.
Starton sfida.
LEXO EDHE: Broja dhe Kaçurri titullarë, publikohen formacionet zyrtare
/Cna
