Partizani ka bërë një goditje të bujshme në merkato. Rouen Hjumen pritet të jetë afrimi më i ri i Partizanit, me të cilin klubi ka arritur marrëveshjen. Mesfushori 24-vjeçar nga Afrika e Jugut shihet si zëvendësues i Arinaldo Rrapajt dhe pritet të bashkohet me skuadrën javën e ardhshme, sipas “Panorama Sport”.
LEXO EDHE: Sulmuesi i nënshtrohet operacionit, Partizani jep njoftimin
Në dy sezonet e fundit, ai ka luajtur për AmaZulu në elitën e futbollit të Afrikës së Jugut, ku u bë një nga lojtarët kryesorë. Më herët ka qenë pjesë e Makabit të Tel Avivit dhe Beitar Tel Avivit në Izrael, si dhe e Bidvest Wits dhe Maritzburg në Afrikën e Jugut.
Hjumen ka përfaqësuar vendin e tij me ekipet kombëtare të moshave dhe ka qenë kapiten i Afrikës së Jugut U-20. Në “transfermarkt” vlerësohet me 850 mijë euro, duke qenë ndër lojtarët më të shtrenjtë që do të luajnë në Kategorinë Superiore. Pas largimit të Itodo Mandelës dhe pritet të Baton Zabërgjës, ai do të bëhet lojtari me vlerën më të lartë në kampionat.
