Manchester United fitoi 2-1 ndaj Liverpool-it në “Anfield”, në ndeshjen kryesore të javës së tetë në Premier League.
Miqtë kaluan në avantazh që në minutën e dytë me Mbeumo, rezultat që mbeti i pandryshuar deri në pushim.
Liverpool reagoi në pjesën e dytë dhe barazoi shifrat në minutën e 78-të me anë të Gakpo.
Vetëm gjashtë minuta më vonë, Maguire riktheu epërsinë për Manchester United, duke shënuar golin që vendosi takimin.
Në minutat e mbetura, skuadra e Ruben Amorim administroi rezultatin, duke marrë tre pikë të rëndësishme në transfertë. Pas këtij suksesi, Manchester United ngjitet në vendin e nëntë me 13 pikë.
Liverpool mbetet në vendin e tretë me 15 pikë dhe regjistron humbjen e katërt radhazi në të gjitha kompeticionet.
/Cna
