Rubin Kazan u mund me rezultatin 0-3 nga Baltika, në ndeshjen e vlefshme për javën e 12-të të Premier Ligës ruse.
Takimi u zhvillua me dominim të miqve, të cilët shfrytëzuan gabimet e vendasve për të siguruar tre pikët.
Mirlind Daku pati një mundësi të mirë për të rikthyer ekipin e tij në lojë gjatë pjesës së dytë. Në minutën e 52-të, sulmuesi fitoi vetë një penallti, por goditja e tij u ndal nga portieri kundërshtar.
Ky ishte një moment vendimtar që mund të kishte ndryshuar rrjedhën e takimit. Me këtë ndeshje, Daku mbetet në kuotën e tetë golave sezonalë dhe në vendin e dytë në renditjen e golashënuesve të kampionatit. Rubin Kazan, nga ana tjetër, regjistron humbjen e katërt në këtë sezon.
