Trajneri i Nigerisë, Eric Chelle, ka akuzuar kombëtaren e RD të Kongos se “po praktikonte magjinë vudu” gjatë fitores me penallti ndaj skuadrës së tij në një ndeshje kualifikuese për Kupën e Botës.
RD Kongo fitoi 4-3 ndaj Nigerisë, duke triumfuar në finalen afrikane të “play-off”-it të Kupës së Botës, dhe ata shkojnë në mars në “play-off”-et ndërkontinentale.
Ndeshja ishte mbyllur me rezultat 1-1, duke e çuar atë në penallti. Por sipas Chelle, dështimi erdhi për shkak të magjisë.
“Gjatë gjithë gjuajtjes së penalltive, një djalë nga Republika Demokratike e Kongos po bënte vudu! Çdo herë, çdo herë, çdo herë! Prandaj unë isha pak nervoz!”
Sipas ‘The Athletic’, një përfaqësues i RD Kongos ka mohuar akuzën e Chelle-s. Nigeria nuk do të jetë në Botëror për herë të dytë radhazi.
