Fati i keq e ndoqi Armando Brojën edhe ndaj Anglisë. Sulmuesi u fut në fushë nga stoli, por u largua pak minuta më vonë.
Pas një aksioni në afërsi të zonës së Anglisë, Broja ndjeu dhimbje në këmbën e djathtë dhe u shtri në fushë. Ai shpërtheu menjëherë në lot, ndërsa u largua nga fusha me barelë.
Megjithatë, mësohet se për Armando Brojën nuk flitet për një dëmtim serioz. Bëhet fjalë për ndrydhje në kavilje të gradës 1 dhe rikuperimi do të jetë nga 14-16 ditë.
Më në fund pak qetësi për lojtarin, që vitet e fundit është kushtëzuar nga probleme të mëdha fizike.
