Teuta triumfoi minimalisht ndaj Bylisit, në ndeshjen e vlefshme për javën e gjashtë. Durrsakët iu falën një goli të shënuar nga Wotlai në minutën e 62-të, për të marrë tre pikë shumë të rëndësishme.
Bregdetarët rikthehen të fitorja, pas dy barazimeve radhazi. Vlen të përmendet se Teuta është skuadra e vetme në Superiore, që nuk njeh ende humbje në gjashtë javët e para.
Bylis në krahun tjetër, tentoi disa herë dhe iu afrua barazimit, por gabuan në metrat e fundit. Për ballshiotët kjo është humbja e dytë sezonale dhe mbajnë vendin e shtatë në renditje, me gjashtë pikë të grumbulluara.
Në javën e shtatë, Bylis pret kryesuesit e Vllaznisë, ndërsa Teuta luan një ndeshje delikate siç është ajo ndaj Tiranës.
/Cna
