Armando Broja po kalon një moment të vështirë në Angli dhe kjo konfirmohet nga rasti i fundit i humbur te Burnley.
Sulmuesi i Shqipërisë, u aktivizua në pjesën e dytë ndaj Burlney-t dhe kishte mundësinë e artë për trë gjetur rrjetën në minutën e 84-t.
Pas një pasimi të marrë në zonë, Broja e kontrolloi bukur topin, por në momentin e fundit nuk ia doli të gjuajë dot për të shënuar, ndonëse ishte i vetëm me portierin.
Pas kësaj, arbitri njoftoi pozicion jashtë loje. Në rast se do të shënonte, goli do të verifikohej nga VAR.
Lajmi i mirë nga kjo ndeshje është fakti se Broja ka marrë minuta, në prag të grumbullimit me Shqipërinë, për duelin ndaj Serbisë.
