Përballja e së hënës mes Skënderbeut dhe Dinamo City-t ka pësuar një ndryshim të papritur sa i përket vendit të zhvillimit të takimit.
Ndeshja e vlefshme për javën e dytë nuk do të luhet në stadiumin “Skënderbeu” në Korçë, por në “Elbasan Arena”.
Impianti i korçarëve nuk mund të jetë gati në kohë për ditën e hënë për shkak të punimeve apo kushteve teknike.
Përveç ndryshimit të vendit, sfida ka pësuar një lëvizje edhe sa i përket orarit të startit të saj. Dy skuadrat do të zbresin në fushën e lojës në orën 21:00 të mbrëmjes, duke u luajtur nën dritën e projektorëve.
