Drejtori i klubit të Dinamos, Ermal Barushi, ka publikuar një mesazh të drejtpërdrejtë dhe të koduar në rrjetet sociale, i cili duket se i drejtohet një lojtari konkret, por pa përmendur emrin.
Në postimin e tij, Barushi vë në dyshim kontributin dhe vlerën e lojtarit në sezonin e kaluar, ndërsa thekson se nuk do të jetë asnjëherë pjesë e klubit kryeqytetas.
“Qe nuk do jesh kurrë i joni këtë e di dhe ti. Me 1000 minuta të luajtura si zëvendësues, po sikur të kishe luajtur gjithë sezonin? Vetëm nga TV mund të na shohësh se nuk e meriton të jesh ti spektator. Të këshilloj të lexosh çdo ditë një gazetë politike sepse hap horizontin, dhe vetëm të ecësh konit”, ka shkruar Barushi.
Drejtori i Dinamos më pas është bërë pishman për postimin dhe e ka fshirë atë nga profili i tij.
