Xhoel Hajdari do ta vijojë karrierën e tij te Laçi, në Kategorinë e Parë këtë sezon. Mesfushori 19-vjeçar largohet nga Vllaznia, ku ka regjistruar vetëm dy paraqitje me ekipin e parë.
Kurbinasit e kanë zgjedhur për të forcuar skuadrën, duke synuar rikthimin në elitë. Ky transferim ndodh pas largimit të Arsid Krujës nga kuqeblutë, ndërsa pritet të largohet edhe Alfred Mensah.
Vllaznia ka mbyllur angazhimin në Europë pas dy tureve në Ligën e Konferencës. Klubi shkodran tashmë e ka përqendruar vëmendjen te kampionati.
Lëvizjet e fundit tregojnë për një riorganizim të skuadrës në merkato. Hajdari do të ketë mundësinë të marrë më shumë minuta në fushë me Laçin.
