Milani mposhti 4-2 skuadrën e Liverpool, në miqësoren që u zhvillua në Hong Kong.
Kuqezinjtë vuajtën dominimin e anglezëve, por ia dolën të shënojnë katër herë, falë kundërsulmeve dhe një gafe në fund të takimit.
Leao zhbllokoi takimin në minutën e 10-të, ndërsa Szoboszlai barazoi shifrat me një supergol në minutën e 26-të.
Fraksioni i parë u mbyll me këtë rezultat, ndërsa në të dytin, italianët ia dolën të marrin avantazhin.
Një kundërsulm i shpejtë në minutën e 52-të, u finalizua me gol nga Loftus-Cheek. Tetë minuta më vonë Okafor realizoi te tretin.
Në fund, kishte kohë edhe për dy gola të tjerë. Fillimisht Gakpo ngushtoi shifrat në 2-3, ndërsa Okafor përfitoi nga një gafë e portierit dhe shënoi të katërtin.
