Shqetësime te Vllaznia në prag të ndeshjes së kthimit ndaj Vikingur në Islandë, në turin e dytë të Conference League. Dy sulmues rrezikojnë të mungojnë, duke shtuar dhimbjet e kokës për trajnerin Martini.
Kuqeblutë presin që Chalres Bismark dhe Alfred Mensah të pajisen me viza. Bismark, me origjinë nga Gana, bëri mjaft mirë në Shkodër ku kuqeblutë fituan 2-1.
Mensah, po ashtu nga Gana, mori minuta si zëvendësues. Të dy bashkë konsiderohen si lojtarë në planet e Martinit, për të fituar sërish minuta.
Tashmë në dyshim është ndeshja e kthimit. Dhe sigurisht që nëse ndodh të mungojnë, do të jetë një problem jo pak i vogël për shkodranët që kanë humbur shërbimet e Kevin Dodajt.
