Mirlind Daku po kalon një moment të shkëlqyer me Rubin Kazan, ku në 8 ndeshje të Premier League ruse ka realizuar 7 gola dhe ka dhënë 1 asist.
Kontributi i tij e ka bërë një nga lojtarët më të rëndësishëm të skuadrës. Shoku i tij i ekipit, mbrojtësi i majtë Ilya Rozhkov, është shprehur me bindje për potencialin e Dakut. “Nëse Mirlind Daku do të transferohej te Barcelona për ta zëvendësuar Robert Lewandowskin, do t’ia dilte”, ka deklaruar Rozhkov.
Ai shtoi se sulmuesi shqiptar mund të përshtatet në çdo kampionat, qoftë në Spanjë, Gjermani apo Itali. Sipas tij, Daku është një futbollist i nivelit shumë të lartë. Këto fjalë kanë bërë jehonë në mediat ruse, shqiptare dhe ndërkombëtare.
