Ernest Muçi është zyrtarisht një lojtar i Trabzonspor. Njoftimi është dhënë nga vetë klubi turk, nëpërmjet rrjeteve sociale.
Sulmuesi largohet kështu nga Besiktas dhe në sezonin e rid o të mbajë veshur fanellën e Trabzonspor.
Marrëveshja mes dy klubeve është arritur për një huazim, me të drejtë blerjeje në fund të sezonit. Futbollisti shqiptar do të mbajë një numër të veçantë në ekip, siç është numri 10, çka tregon për vlerësimin e madh që i kanë dhënë.
Muçi u bashkua me Besiktas në merkaton e dimrit në vitin 2024, por gjithmonë ka vuajtur për të marrë minuta.
Me këtë lëvizje te Trabzonspor, lojtari synon të gjejë më shumë hapësira dhe të tregojë cilësitë e tij.
