Tirana ka nisur bisedimet për të afruar sulmuesin gambian Dembo Darboe.
27-vjeçari është lojtar i lirë dhe bardheblutë po shfrytëzojnë këtë situatë për të forcuar repartin ofensiv në merkaton e janarit.
Palët po diskutojnë aktualisht kushtet financiare të kontratës, veçanërisht pagën që lojtari mund të marrë në rast marrëveshjeje.
Tirana ka kohë që kërkon një qendërsulmues dhe profili i Darboe shihet si i përshtatshëm për fazën e dytë të sezonit.
Sulmuesi vjen pas një sezoni ku ka regjistruar mbi 1.000 minuta me Neftçi dhe ka shënuar 5 gola në kampionat. Paraqitjet e tij kanë qenë të qëndrueshme, duke treguar aftësi të mira në zonë dhe lëvizje efektive.
Te Ordabasy pati më pak hapësirë, por në Azerbajxhan gjeti më shumë vazhdimësi. Tirana shpreson të mbyllë së shpejti tratativat, duke parë te Darboe një mundësi reale për të rritur cilësinë në sulm.
