Dinamo do të luajë në transfertë ndaj Teutës, ndeshje e vlefshme për javën e parë të kampionatit që ishte shtyrë për shkak të angazhimeve në Conference League.
Pas dy shtyrjeve, takimi do të zhvillohet të mërkurën në stadiumin “Niko Dovana”.
Për Dinamon pritet të jetë një sfidë e vështirë, pasi do të ketë mungesa të rëndësishme. Trajneri Ilir Daja nuk do të ketë në dispozicion mbrojtësin Naser Aliji. Ky i fundit u ndëshkua me karton të kuq në ndeshjen ndaj Elbasanit.
E veçanta është se ndeshja ishte planifikuar të luhej në pauzën e Kombëtareve, por Dinamo kërkoi shtyrjen, për shkak se Naser Aliji ishte në kombëtare. Tashmë lojtari do të mungojë prej kartonin të kuq.
