Sulmuesi i përfaqësueses së Kosovës, Fisnik Asllani, ishte i pranishëm në stadium për të ndjekur ndeshjen derbi mes Barcelonës dhe Espanyolit.
Futbollisti i Hoffenheim e shfrytëzoi këtë vizitë gjatë periudhës së pushimit të kampionatit gjerman. Përmes rrjeteve sociale, ai ndau një fotografi nga stadiumi, veprim ky që ka nxitur diskutime mbi të ardhmen e tij.
Gjatë këtij sezoni në Bundesliga, Asllani ka shënuar 6 gola dhe ka dhënë 2 asiste për skuadrën e tij. Performanca e tij në fushë ka rritur interesin e disa klubeve të rëndësishme europiane në tregun e transferimeve.
Shpesh është përfolur për interesim nga Barcelona, ndërsa përveç kësaj emri i sulmuesit është lidhur edhe me një kalim të mundshëm te Bayern Munich. Gjithashtu, raportohet se disa skuadra nga Premier League angleze po vëzhgojnë progresin e tij.
