UEFA ka marrë dy vendime historike këtë të hënë të 6 tetorit. Është miratuar leja, që dy ndeshje kampionati, të luhen jashtë shteteve të tyre.
Bëhet fjalë për Milan-Como nga Serie A dhe Villarreal-Barcelona nga La Liga. Ndeshja e kampionatit italian, do të luhet në Australi, në qytetin e Perth-it.
Ky takim është planifikuar për tu luajtur më 8 shkurt të vitit të ardhshëm. Po ashtu u dha drita jeshile, që Villarreal-Barcelona, më 20 dhjetor, të luhet në Miami.
UEFA ka sqaruar se ky vendim është i jashtëzakonshëm dhe nuk do të krijojë precedentë, pasi organi europian i futbollit nuk do të pranojë që ndeshjet e kampionateve të luhen jashtë shtetit.
