Brazili u mposht 3-2 me përmbysje nga Japonia, në miqësoren e zhvilluar në Tokio.
Skuadra e drejtuar nga Carlo Ancelotti, e nisi ndeshjen shumë mirë, duke shënuar dy gola, me Paulo Henrique në minutën e 26-të dhe Gabriel Martinelli në minutën e 32-të.
Pjesa e parë u mbyll me këtë rezultat, ndërsa e dyta ishte tjetër histori. Minamino ngushtoi diferencat në minutën e 52-të, ndërsa Nakamura dhe Ueda përmbysën rezultatin.
Këtë avantazh, japonezët e ruajtën deri në fund, për të marrë fitoren. Sinjale aspak pozitive nga Brazili i trajnerit Ancelotti, me italianin që ka ende shumë punë për të bërë. Kjo është fitorja e parë për Japoninë ndaj kombëtares “Seleçaos” në histori.
