Aventura e Simone Inzaghit te Al Hilal në Arabinë Saudite ka nisur me vështirësi. Pas tre javëve të para në kampionat, tekniku italian regjistron një fitore dhe dy barazime.
Triumfi i vetëm erdhi në javën e parë, ndërsa dy ndeshjet pasuese janë mbyllur në mënyrë zhgënjyese për tifozët. Barazimi i fundit me Al Ahlin u karakterizua nga një përmbysje dramatike. Al Hilal mbylli pjesën e parë në avantazh 3-0 dhe dukej se po shkonte drejt një fitoreje të sigurt.
Në minutën e 78-të, Toney shënoi golin e parë për Al Ahlin. I njëjti lojtar realizoi edhe golin e dytë në minutën e 87-të. Në kohën shtesë, Demiral barazoi shifrat në 3-3.
Kështu, Al Hilal humbi dy pikë të rëndësishme pavarësisht epërsisë së madhe. Rezultatet e deritanishme kanë rritur presionin mbi trajnerin italian.
