Shqipëria do të zhvillojë më 14 tetor një ndeshje miqësore ndaj Jordanisë në stadiumin “Air Albania”, me fillim nga ora 19:00.
Kjo përballje vjen vetëm tre ditë pas ndeshjes në transfertë kundër Serbisë, e vlefshme për kualifikueset e Botërorit.
Takimi do të shërbejë si test për trajnerin dhe lojtarët, në kuadër të ngarkesës së kalendarit. Deri më tani, Shqipëria dhe Jordania janë ndeshur vetëm një herë.
Kjo ka ndodhur në vitin 2018, më 10 tetor, kur kuqezinjtë drejtoheshin nga Kristian Panuçi. Ajo ndeshje u mbyll me rezultatin 0-0. Sfida e tetorit do të jetë e dyta mes dy përfaqësueseve.
