Vllaznia përgatitet për ndeshjen e javës së 5-të në Superiore, ku do të përballet me Vorën të dielën në orën 19:00.
Për trajnerin Edi Martini kjo sfidë vjen me vështirësi të shumta për shkak të mungesave. Aron Jukaj, Kristi Qato dhe Aleksander Kuro kanë probleme fizike dhe pritet të qëndrojnë jashtë për disa javë.
Po ashtu, Erdenis Gurishta nuk do të jetë i gatshëm për këtë takim, pasi është i pezulluar pas kartonit të kuq ndaj Teutës. Në dyshim të madh është edhe Bismark, i cili ka shfaqur shqetësime fizike.
Këto mungesa e bëjnë të vështirë punën e Martinit në përzgjedhjen e formacionit. Megjithatë, ekipi synon të marrë rezultat pozitiv për të qëndruar në garën për kreun e tabelës.
