Edi Martini nuk do të jetë në stolin e Vllaznisë për duelin e javës së ardhshme ndaj Partizanit.
Shkak për këtë është bërë kartoni i kuq i marrë në duelin ndaj Dinamos nga tekniku shkodran.
Martini u ndëshkua pas gjestit ofendues, në momentin e golit të dytë të shënuar nga Sherif Kallaku.
Mungesa ndaj Partizanit është e sigurt, për shkak të pezullimit, por dënimi mund të jetë më i rëndë, sepse është gjest i përsëritur dhe pritet të marrë sanksion nga Komisioni i Disiplinës.
