Fitorja e fundit e Vllaznisë në “Air Albania” kundër Dinamos është shoqëruar me shqetësimin për gjendjen fizike të sulmuesit Bismark Charles.
Futbollisti pësoi një tërheqje muskulore gjatë ndeshjes, e cila rrezikon ta lërë sërish jashtë fushave për një periudhë të gjatë.
Ky dëmtim vjen në një moment kur sulmuesi sapo ishte kthyer në dispozicion të trajnerit Edi Martini pas problemeve të mëparshme fizike.
Ky sezon ka qenë mjaft i vështirë për lojtarin, i cili u dëmtua që në fillim të kampionatit dhe sërish pas një aktivizimi të shkurtër në Durrës. Bismark konsiderohet një pikë kyçe në repartin ofensiv të shkodranëve, por vazhdimësia e tij është penalizuar nga problemet e përsëritura.
Stafi mjekësor pritet të përcaktojë shkallën e dëmtimit pas ekzaminimeve të detajuara. Mungesa e tij mund të detyrojë stafin teknik të kërkojë zgjidhje alternative për ndeshjet e ardhshme.
