Anis Mehmeti mund të largohet nga Bristol City gjatë merkatos së janarit, pasi sulmuesi i Kombëtares shqiptare ka hyrë në muajt e fundit të kontratës së tij.
Pavarësisht ofertave për rinovim nga klubi aktual, mungesa e një marrëveshjeje zyrtare ka rritur interesin e skuadrave të tjera.
Së fundmi, në garë për shërbimet e 25-vjeçarit ka hyrë Ipswich Town, klub që po lufton për një vend në Premier League.
Ipsëich e sheh Mehmetin si një përforcim cilësor për repartin e avancuar, duke vlerësuar formën e tij të mirë me 9 gola dhe 6 asistime këtë sezon. Aktualisht, Ipswich renditet në vendin e tretë në Championship, vetëm dy pikë larg zonës së ngjitjes direkte në elitën angleze.
Për Mehmetin, ky transferim do të përfaqësonte një mundësi konkrete për të luajtur në Premier League sezonin e ardhshëm.
