Skënderbeu ka shfaqur interes për rikthimin e mesfushorit 26-vjeçar, Uendi Mara, i cili aktualisht është lojtar i lirë. Mesfushori me tipare sulmuese ishte pjesë e korçarëve përpara se të transferohej në Gjeorgji te skuadra e Dinamo Batumi.
Pas përfundimit të aventurës jashtë vendit, lojtari është në kërkim të një ekipi të ri për të vazhduar karrierën e tij profesionale. Për shërbimet e Marës raportohet se ka interes edhe nga klube të tjera të Kategorisë Superiore në Shqipëri.
LEXO EDHE: Skënderbeu përgatit goditjen e madhe, projektohet rikthimi i bujshëm
Drejtuesit e Skënderbeut po e konsiderojnë afrimin e tij si një mundësi për të përforcuar organikën me një futbollist që njeh ambientin. Edhe pse bisedimet përfliten prej ditësh, nga ana e klubit korçar nuk ka ende një njoftim zyrtar për arritjen e marrëveshjes.
Situata pritet të qartësohet gjatë ditëve në vijim, kur lojtari të vendosë përfundimisht për ofertën më të përshtatshme.
