Klubi i Kukësit duket se ka marrë rrugën drejt rënies në Kategorinë e Dytë dhe sikur të mos mjaftonte kriza e rezultateve, po përjeton edhe një krizë në nivel drejtues.
“Panorama Sport” raporton se trajneri i njohur, Bledar Devolli, i cili ishte afruar në klub me shpresën për të ndryshuar fatin e këtij sezoni, ka dhënë sot dorëheqjen nga verilindorët, si pasojë e rezultateve të dobëta dhe pamundësisë për të ndryshuar këtë trend të ekipit.
LEXO EDHE: E pabesueshme, por e vërtetë! Largohen 3 trajnerë brenda ditës, “eksod” në Superligë
Kukësi gjendet në vendin e fundit në renditje me vetëm 5 pikë pas 12 javësh në Kategorinë e Parë, me humbjen 2-0 ndaj Apolonisë që ishte e katërta radhazi në kampionat për verilindorët. Devolli kishte marrë drejtimin e skuadrës pas largimit të trajnerit Sedat Pajaziti në muajin tetor.
