Francesco Moriero dhe Oltion Kërnaja do të përballen për herë të parë si trajnerë kundërshtarë, vetëm një vit pasi kanë punuar bashkë te Laçi.
Kërnaja, tashmë trajner i Partizanit, ka marrë drejtimin e skuadrës pas largimit të Mladen Milinkoviç. Nga ana tjetër, Moriero është emëruar trajner i ri i Flamurtarit, pas shkarkimit të Garcias.
Të dy do të debutojnë në pankinat e reja pikërisht në ndeshjen kundër njëri-tjetrit.
Kërnaja, i diplomuar së fundmi me licencën UEFA Pro, dikur ishte ndihmës i Morieros te Laçi. Tani, rolet janë ndarë ndryshe, me “nxënësin” që përballet me “mësuesin”.
