Ish-mesfushori i Kombëtares shqiptare, Odise Roshi, ka bërë të ditur se profili i tij në rrjetet sociale ka qenë objekt i një sulmi kibernetik.
Lajmi është konfirmuar nga vetë futbollisti përmes një njoftimi publik. Roshi ka kërkuar ndjesë ndaj ndjekësve për mesazhet e padëshiruara të dërguara nga profili i tij gjatë orëve të fundit.
Ai ka sqaruar se llogaria e tij në Instagram ka qenë e aksesuar pa autorizim për rreth 15 orë. Gjithashtu, ka këshilluar që të mos hapet asnjë link i ardhur nga profili i tij gjatë kësaj periudhe. Sipas njoftimit, situata tashmë është rikuperuar.
Aktualisht, 34-vjeçari aktivizohet në Ligën e Parë turke me skuadrën Ankara Keçiörengücü. Në këtë sezon, Roshi ka regjistruar katër gola dhe dy asistime në 19 paraqitje në të gjitha garat.
