Medon Berisha është njohur sot me vlerën e tij të re në tregun e “Transfermarkt”. Mesfushori i Kombëtares vlerësohet aktualisht 6 milionë euro, nga 1.5 milionë euro që ishte më parë. Rritja vjen si pasojë e paraqitjeve të tij në pjesën e parë të sezonit.
Te Lecce, Berisha renditet si lojtari i tretë më i vlerësuar në skuadër. Ndër lojtarët që përfaqësojnë Shqipërinë, vlera e tij është e barabartë me atë të Ardian Ismajlit, i cili mban vendin e gjashtë.
Aktualisht, Berisha po rikuperohet nga një dëmtim që pritet ta mbajë jashtë fushave edhe rreth tre javë. Në fund të vitit 2024, vlera e tij ishte 1 milion euro, duke treguar një rritje të ndjeshme.
Mesfushori ka regjistruar paraqitje me Kombëtaren në miqësore, Ligën e Kombeve dhe Kampionatin Europian.
