E ardhmja e sulmuesit Ernest Muçi mbetet një nga temat kryesore të merkatos në kampionatin turk.
Futbollisti shqiptar aktualisht është i huazuar te Trabzonspori nga Besiktasi, me një kontratë që përfshin opsionin e blerjes përfundimtare në mbyllje të sezonit.
Presidenti i Trabzonsporit, Ertugrul Dogan, ka konfirmuar se klubi ka marrë tashmë një ofertë nga një palë e tretë për shërbimet e lojtarit.
Për të realizuar transferimin e mundshëm, klubi planifikon të aktivizojë klauzolën e blerjes përmes një pagese me pesë këste.
Kësti i parë, i cili luhatet mes 1.5 dhe 2 milionë eurove, pritet të shlyhet përpara përfundimit të muajit maj.
Ky veprim do t’i mundësonte Trabzonsporit pronësinë mbi kartonin e lojtarit dhe rishitjen e tij të menjëhershme.
Vendimi final do të bazohet në vlerësimet teknike të trajnerit dhe nevojat financiare të klubit për shlyerjen e borxheve.
