Inter-i po përgatit një ofertë të re për sulmuesin e Atalanta-s, Ademola Lookman, sipas raportimeve nga Italia, me klubin e Milanos që e kanë rritur ofertën deri në 45 milionë euro, përfshirë bonuset.
Sipas asaj që është raportuar nga “Corriere dello Sport”, skuadra nënkampione është gati të rrisë ofertën e tyre me 5 milionë euro, pasi ata bënë një ofertë fillestare prej 40 milionë eurosh më parë këtë javë.
Kjo është ende nën çmimin prej 50 milionë eurosh që “La Dea” vendosi për nigerianin, por të dyja palët po i afrohen një marrëveshjeje, pavarësisht se klubi i Bergamos është gati të qëndrojë i vendosur në kërkesat e tyre.
Zikaltërit nga “Meazza” do t’i paraqesin Atalanta-s një ofertë të përmirësuar në fillim të javës së ardhshme dhe se do të jetë një blerje e përhershme, në vend të huazimit me detyrim blerjeje që është raportuar nga disa media.
Inter-i thuhet se e ka vullnetin e lojtarit në anën e vet, me Lookman-in që është i etur të përfundojë një transferim për t’u bashkuar me finalistët e Champions League.
Prandaj, klubi mund ta përdorë këtë si një levë në negociatat me Atalanta-n.
27-vjeçari numëron 52 gola dhe 25 asistime në 118 ndeshje në të gjitha garat me Atalanta-n.
Kujtojmë se ai mbërriti në Bergamo nga Leipzig-u për rreth 11 milionë euro verën e vitit 2022.
/AP
