Arsenali ka zyrtarizuar transferimin e Viktor Gyokeres nga Sporting Lisbona, duke i dhënë fund një sage të gjatë negociatash. Sulmuesi suedez ka firmosur kontratë pesëvjeçare, e cila do të jetë e vlefshme deri në vitin 2030.
Marrëveshja e transferimit të lojtarit në Premier League, u mbyll për shifrën e 73.5 milionë euro. Gyokeres do të mbajë fanellën me numrin 14, të cilën më parë e ka mbajtur edhe legjenda Thierry Henry. Transferimi nuk ishte i lehtë, për shkak të mosmarrëveshjeve mbi bonuset mes dy klubeve.
Sezoni i kaluar ishte vendimtar për sulmuesin, i cili realizoi 54 gola në të gjitha garat, përfshirë 39 në kampionat dhe 6 në Champions League. Arsenal e dëshironte me ngulm lojtarin dhe e arriti marrëveshjen pas shumë përpjekjesh.
Gyokeres refuzoi Manchester United dhe ndërpreu stërvitjet me Sporting për të shtuar presionin për kalimin e tij në Londër. Tani sulmuesi suedez synon të luajë rol kryesor në projektin e Arsenalit për sezonin e ri.
/tvklan.al
