Erdhi si transferim i bujshëm, por largohet pa lënë gjurmë nga Flamurtari. Jose Rodruguez nuk do të jetë më pjesë e kuqezinjve.
Spanjolli dhe vlonjatët kanë ndarë rrugët, pasi ish futbollisti i Real Madridit nuk është më në planet e trajnerit Françesko Moriero. Mësohet se mesfushori i qendrës ka marrë tashmë valixhet dhe është rikthyer andej nga erdhi pa lënë asnjë gjurmë.
Pas largimit të trajnerit Garcia, 30- vjeçari që luan në mesfushë nuk u grumbulluar nga trajneri italian edhe pse ishte një nga më të paguarit.
Ai do të mbahet mend për autogolin që në ndeshjen e parë të kampionatit me Elbasanin duke i kritikuar por edhe çuditur njëkohësisht për vetë karrierën e tij.
Rodriguez ishte lojtari më i paguar në Superiore, me 20 mijë euro pagë në muaj, sipas “Rubrika Sportive”.
Në fakt spanjolli prej gushtit të kaluar ishte pa ekip. Për herë të fundit luajti me Adana Demirspor në Turqi. Ai erdhi në Vlorë mbas eksperiencave si futbollist ne ekipet e Real Madrid, Deportivo La Coruna, Malaga F.C , CF Fuenlabrada (Spanjë), Galatasaray, Adana Demirspor (Turqi), FSV Mainz 05 (Gjermani), Makabi Tel Aviv, Hapoel Tel Aviv, Makabi Haifa (Izrael), Fortuna Sitard (Holland), Union Saint-Gilloise (Belgjikë).
